前tvb一線小生中年爆紅不忘舊人 竟公開被爆瘀事被鬧戇居仍唔嬲

現年60歲的「師奶殺手」陶大宇參演過《壹號皇庭》、《刑事偵緝檔案》一系列經典電視劇,近年因翻唱劉德華歌曲《倒轉地球》爆紅,賺到盆滿缽滿。

陶大宇近年因翻唱劉德華歌曲《倒轉地球》爆紅,賺到盆滿缽滿。(小紅書截圖)

陶大宇爆紅後不忘初心,近日見返40多年好友鄭家生仍熱情相待,仲一齊拍片食飯,相當重視舊情。兩人再見面相當開心,陶大宇稱呼對方為「家生哥」,並搭膊頭稱入行已認識對方,由細識到大。

陶大宇。

陶大宇之後又同鄭家生食飯,被鄭家生大爆入行「瘀事」。鄭家生爆料指,當年陶大宇剛開始走紅之時拍古裝戲,竟因NG被導演杜琪峰爆鬧,「嗰啲老屎忽全部有晒嘢喺度,呢條友戇居居,人哋玩你又喺度玩......點知一正式,全部都有料到,一出嚟個個啲對白全部有晒,輪到佢一個人啞咗。跟住杜琪峰撳咪落嚟插啦!佢話:『陶大宇!如果你下次再NG就停廠!』嘩,呢條友驚啦!」陶大宇補充笑言:「攞個大聲公呢,全部停晒,就係向住我鬧。嘩嗰吓呢,真係好鬼『瘀』。」鄭家生稱杜琪峯在片場態度認真,「杜琪峰好嚴肅㗎,一拍嘢嗰時,唔係同你講玩㗎!」陶大宇又笑指:「都好呀,俾佢鬧過。」

鄭家生見返陶大宇好開心。(抖音)
識咗40幾年。(抖音)
識於微時。(抖音)
鄭家生爆陶大宇拍劇因沒有背台詞,而被杜琪峯爆鬧。(抖音)
陶大宇笑住回憶這段往事。(抖音)
杜琪峯爆鬧過陶大宇。(大會圖片)

This is a companion discussion topic for the original entry at https://hk01.com/sns/article/1006467