趕客?不滿老伯換位 荃灣餐廳爆粗狂罵:唔做你生意! 結局是…

飲食業服務態度常惹關注,本港網絡瘋傳1段影片,指荃灣1間餐廳有店員與老伯顧客因換位問題對罵,其間斥責對方「唔好X嚟啊以後,嚟親正X街」、「就唔做你生意」等。最終老伯離開餐廳,店員仍勞氣表示:「唔好X嚟啊!豈有此理,我唔係你嘅仔女,唔需要就你,晚晚都係咁㗎喎。」

影片引來網民熱議,有人批評店員態度惡劣,「出口咁詛咒老人家,我唔會再幫襯」、「倒自己米」、「趕客?」。也有網民認為不宜「跟車太貼」,「得段片,唔知前文好難定對錯,係咪之前嚟親都有啲嘢發生咗?」,但亦認為「冷靜啲,客氣啲,不應該用這態度」。

本港網絡流傳1段影片,指荃灣1間餐廳有店員與老伯顧客因換位問題對罵。(Facebook群組「荃灣人」)

有網民在Facebook群組「

荃灣人

」上載影片,指老伯想換個舒服位置食晚餐,但店員一聽到老伯要換位,「馬上發火爆粗口罵」,最後老伯離開餐廳。

影片長44秒,見到老伯與女店員正在近門口位置指手畫腳爭執,店員耍手說「行啦,行啦!唔好X嚟啊以後,嚟親正X街!就唔做你生意」,老伯轉身離開,回嗆「X街嚟㗎!」。店員聞言指「睇邊個X先」,老伯隨即回頭再罵,「我年紀咁大,你咁後生,你X咗死梗」,店員則反駁「係啊,睇邊個死先」。

店員與老伯對罵過程▼▼▼
影片見到,老伯與女店員正在近門口位置指手畫腳爭執。(Facebook群組「荃灣人」)
店員耍手說「行啦,行啦!唔好X嚟啊以後,嚟親正X街!就唔做你生意」,老伯轉身離開,回嗆「X街嚟架!」。(Facebook群組「荃灣人」)
店員耍手說「行啦,行啦!唔好X嚟啊以後,嚟親正X街!就唔做你生意」,老伯轉身離開,回嗆「X街嚟架!」。(Facebook群組「荃灣人」)
店員耍手說「行啦,行啦!唔好X嚟啊以後,嚟親正X街!就唔做你生意」,老伯轉身離開,回嗆「X街嚟架!」。(Facebook群組「荃灣人」)
店員聞言指「睇邊個X先」,老伯隨即回頭再罵「我年紀咁大,你咁後生,你X咗死梗」,店員則反駁「係啊,睇邊個死先」。(Facebook群組「荃灣人」)
老伯最終離開,店員仍勞氣表示,「唔好X嚟啊!豈有此理,我唔係你嘅仔女,唔需要就你,晚晚都係咁㗎喎」。(Facebook群組「荃灣人」)

老伯最終離開,店員仍勞氣表示,「唔好X嚟啊!豈有此理,我唔係你嘅仔女,唔需要就你,晚晚都係咁㗎喎」。而現場有聲音指「好耐無嚟喇」,未知是否在說涉事老伯。

影片引來網民熱議,有人批評店員態度惡劣,「我唔係當時人唔肯定誰啱誰錯,但出口咁詛咒老人家,我唔會再幫襯」、「好心啦,咁多位客人都有權選擇座位的,何況老人家1個,人家食完就會走㗎啦」、「唔怪得知個個都話要北上吃喝玩樂,啲餐廳咁嘅服務態度真係好差」、「倒自己米」、「趕客?」。

也有網民認為不宜「跟車太貼」,「得段片,唔知前文好難定對錯,佢最後話晚晚都係咁,個客又話咩佢好耐冇嚟,係咪之前嚟親都有啲嘢發生咗」、「真係唔好未知全部故事就評論,但始終打開門口做生意,冷靜啲,客氣啲,不應該用這態度」。


This is a companion discussion topic for the original entry at https://hk01.com/sns/article/952456