港男一家五口排公屋 三派3原因皆不滿意 網民笑言︰公屋唔啱你

公屋僧多粥少,而且單位面積、樓齡、交通和附近設施等各項因素都要滿意,簡直難上加難。一名港男在網上表示,一家五口正在輪候公屋,先後獲派粉嶺嘉福邨、大埔富蝶邨和廣福邨,前兩派分別因1樓單位和面積太細沒有接受,三派的廣福邨有40年樓齡,加上井字型建築,仍然不太滿意,詢問重新排過是否要等7至8年。網民紛紛留言指「仲要停1年先可以重新申請, 再等7至9年」、「呢3條都唔要,公屋唔啱你」、「唔急咪排過囉」。

樓主先後獲派三個單位,但全部都不收貨。(示意圖/資料圖片/夏家朗攝)

樓主在

facebook群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 富蝶邨 長青邨 業旺邨」

表示,自己是5人家庭申請,首派粉嶺嘉福邨,由於是1樓單位,所以放棄,二派大埔富蝶邨300多呎單位,認為不夠5人同住。他等到三派,相隔個半月後獲派同區廣福邨,但有40年樓齡,而且是井字型,樓主同樣不滿意,詢問:「如果重新排過係咪都係要等7至8年?有冇人試過?」

網民指出,現時公屋新樓的5人單位面積大多在380呎上下,「我4人家庭,一派有370呎,二派就得350呎,二派時問主任,佢話按人頭7平方派畀你,唔會派少畀你的!好無奈」、「舊樓單位先會大啲啲,可惜樓主又不接受舊樓」。樓主解釋自己接受舊樓,「但40年樓就真係有啲舊」、「我未睇廣福,唔知有無海景」。

不少留言指「排得公屋就有心理準備,要求唔能夠太高啦,一係就唔要,停1年再重新申請,再等7至9年」、「公屋住戶都幾有要求」、「呢3條都唔要,公屋唔啱你」、「其實你係咪無住屋需要?揀唔啱咪重新排過」。

(facebook群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 富蝶邨 長青邨 業旺邨」)


This is a companion discussion topic for the original entry at https://hk01.com/sns/article/974314