黎彼得親揭《財神到》紅足46年背後故事 竟同呢位tvb一姐有關

一年容易又新年,《財神到》這首歌響遍大街小巷,許冠傑(Sam)以調皮唱腔唱出「財神到、財神到,好心得好報;財神話、財神話,搵錢依正路。」唱出多少香港人新一年對財富的盼望。「一代鬼才」填詞人黎彼得在龍年接受《香港01》訪問,親揭《財神到》背後故事。

許冠傑《財神到》CD版封面。(Discogs)
嫌其他賀年歌「老土」激發創作《財神到》

《財神到》1978年發行,收錄在同名專輯內,由昔日黃金拍擋許冠傑作曲、黎彼得填詞。紅足46年,黎彼得形容如《浪子心聲》一樣是「奇跡」。當年推出賀年歌,原來是源於叛逆性格,「突然間過年,咪整隻新年歌咁囉!係同Sam傾嘅,因為覺得汪明荃啲新年歌老土呀嘛!所以咪整首比較新意啲㗎囉,點知Last到而家。」

黎彼得當時認為,其他賀年歌詞太「千篇一律」,他說:「咩『年又過年』、『你聽鑼鼓響一片、聲聲送舊年』,太過粵曲,好老土,唔好聽;有啲『文千歲』更加廣東小調囉。」是否又是同許冠傑在家中埋頭苦幹創作名曲?黎彼得稱不記得,「唔記得喺屋企定街啦,我哋周不時揸車周圍去度。」

黎彼得與Sam的舊照。(陳順禎 攝)
紅足半世紀歸咎新作不及舊作

一首即興之作,紅足近半世紀,也出乎黎彼得意料之外,他認為是新創作不及舊作之故,「因為新嗰啲唔得嘛,如果新嗰啲流行呢,我哋呢啲舊嗰啲收檔啦,一代新人勝舊人。」《財神到》至今仍為黎彼得帶來版稅進帳,問到數目,與許冠傑一人一半拆帳後,黎彼得稱不多,「都有嘅,都唔多囉,噏唔出(數字),我畀個正確嘅錢你呢,你都唔信囉,你會『吓,咁少?』」至於《財神到》紅了後,許冠傑有沒有封大利市給他?黎彼得雲淡風輕帶過,「呢啲好小事啦,冇咁老土。」

黎彼得嘆如今轉數慢,靈感不及後生時來得快,未必會再寫歌;他又謂二次創作沒有價值,「好似阿儀首『123』(《一加一等於阿儀》)、同尹光哥哥咁,整完咪得啖笑,點會流行呀?」黎彼得笑言,如果有人投資先再考慮寫歌,「如果楊受成打俾我咪寫囉!往事只能回味啦。黃子華做咗神啦,唔係咪幫佢寫囉!哈哈!」

黎彼得親解《財神到》背後故事。(陳順禎 攝)
鄭少秋及汪明荃唱《歡樂年年》 (1977)。(CD封面)
阿姐汪明荃。(梁碧玲攝)

This is a companion discussion topic for the original entry at https://hk01.com/sns/article/990327