升中派位2024|女兒意外入Band 1 港媽竟去Band 2叩門 原因係咁

升中派位入「Band 1」中學,家長竟想到「Band 2」學校叩門?放榜之際有港媽發文分享,指街坊的女兒「意外」被派入Band 1中學,感到莫名其妙,因為該校被排得很後,而女兒程度明顯不及,「唔想個女唔啱程度讀得太辛苦」,決定「降級」到Band 2中學叩門。如此「反操作」引起網民熱議,有網民認為家長應先讓女兒嘗試,「Band 1轉校去Band 2唔難呀」,但有人則分享學生「強行」讀Band 1的經歷,認為「媽媽嘅選擇係明智」,揠苗助長並非好事。

港媽指,街坊的女兒獲派「Band 1」中學,反擔心女兒讀不來。(資料圖片)

有港媽於社交平台Threads發帖,最近升中派位放榜,她聽聞有街坊的女兒「意外」派入1間Band 1中學,但女兒只有Band 2水平,「街喊咗出嚟,而喊嗰個係家長」,因為該校已刻意排到很後很後,「家長覺得莫名其妙,明明排到四十幾嘅學校點解會派中咗」。

現時街坊打算為女兒到Band 2學校叩門,「唔想個女唔啱程度讀得太辛苦」。樓主指:「第一次見到因為派太好嘅家長喊,見識少被震撼到,呢個女有個好媽媽!祝你哋叩門成功。」她認為媽媽是出於對女兒的愛才如此決定,但估計冷靜過後可能有其他想法。

網民認為家長應讓女兒先入讀,「既然都派咗,點解唔嘗試下先?」。(資料圖片)

帖文在網上引起熱議,網民就小朋友是否接受學位意見不一,部份網民認為入到好學校應盡量嘗試,「Band 1賣點係學習氣氛,敎學環境,成績都係次要」,又指入讀後要轉到其他學校也不難,「既然都派咗,點解唔嘗試下先?Band 1唔啱可以轉返出去,但Band 2至3考入Band 1甚至大學真係難好多」。有網民好奇Band 1中學也分很多水平,「有啲Band 1A太勁,所以冇人敢揀」、「前兩年,聽過B3派1A」,樓主表示街坊女兒入的屬「Band 1A」。

有曾從事私人補習的網民指,過去曾有1名只有Band 3程度的學生「大抽獎去咗Band 1A嘅中學」,其校內英文考試只得9分(100分滿分)。不少網民認同街坊的決定,「我覺得媽媽嘅選擇係明智! 如果清楚知道個女會跟唔上,俾佢讀Band 2會好好多」、「我覺得要尊重個女意願但睇得出好錫個女」、「我仔嗰班嘅同學仔又係咁,B2尾派咗去B1校,佢諗住叩返原本想報嗰間,怕個女讀唔掂,驚佢讀得辛苦」。

教育局發出的《中一派位選擇學校表格》分為甲乙部,甲部可不受校網限制選擇3間中學,並按選校意願順序填寫;乙部則可按所屬校網排出選校意願,盡量將30個選擇填滿。電腦首先處理甲部學校選擇,然後處理乙部學校選擇,如學生的所有學校選擇經審閱後仍未獲分配學位,電腦會從網內剩餘的學位中, 為他們分配一個學位。

(Threads)


This is a companion discussion topic for the original entry at https://hk01.com/sns/article/1036755